कार्य आदेश मिळाल्यानंतर प्रत्यक्ष सर्वेक्षण, माहिती संकलन आणि आराखडा तयार करण्याच्या कामाला सुरुवात होणार आहे. तब्बल पाच वर्षांच्या विलंबानंतर हा मास्टर प्लॅन तयार करण्याची प्रक्रिया गतीमान होत आहे.

शहराचा विद्यमान विकास आराखडा जुना झाल्याने बेळगावच्या विस्तारासाठी आणि भविष्यातील नियोजनासाठी नवीन मास्टर प्लॅन अत्यावश्यक मानला जात होता. त्यानुसार बुडा प्रशासनाने शहरासह तालुक्यातील ५५ गावांचा समावेश असलेल्या सुमारे ३८९.४१ चौरस किलोमीटर क्षेत्रासाठी नवीन आराखडा तयार करण्याची प्रक्रिया सुरू केली होती.

हा मास्टर प्लॅन अंतिम झाल्यानंतर पुढील २० ते २५ वर्षांच्या कालावधीत बेळगाव शहराच्या विकासाची दिशा निश्चित होणार आहे.

The post बेळगाव शहरासह ५५ गावांसाठी मास्टर प्लॅनचा ठेका ‘एक्स इम्पासे’ ग्रुपला appeared first on News 24 Tass Marathi.

बेळगाव : लाखो भाविकांचे श्रद्धास्थान असलेल्या श्री रेणूका यल्लम्मा मंदिर परिसराच्या सर्वांगीण विकासासाठी राज्य सरकारने २१५ कोटी रुपयांचा निधी मंजूर केला आहे. या विकासकामांच्या भूमिपूजनासाठी मुख्यमंत्री आणि उपमुख्यमंत्र्यांना निमंत्रित करण्यासंदर्भात बेळगावमध्ये जिल्हाधिकाऱ्यांच्या उपस्थितीत महत्त्वाची बैठक पार पडली.

बैठकीनंतर माध्यमांशी संवाद साधताना आमदार विश्वास वैद्य यांनी प्रस्तावित विकास आराखड्याची माहिती दिली. पुढील आठवड्यात सोमवार किंवा मंगळवारपर्यंत भूमिपूजनाची तारीख निश्चित होण्याची शक्यता असून त्यानंतर कामांना प्रत्यक्ष सुरुवात केली जाणार असल्याचे त्यांनी सांगितले.

या प्रकल्पांतर्गत भाविकांसाठी आधुनिक सुविधा उपलब्ध करून देण्यावर भर देण्यात आला आहे. यामध्ये भव्य क्यू कॉम्प्लेक्स, सुसज्ज अन्नदान भवन, नवीन प्रशासकीय कार्यालय तसेच वॉकर्स झोन उभारण्याचा समावेश आहे. मंजूर निधीपैकी सुमारे १८० कोटी रुपयांच्या कामांची निविदा प्रक्रिया पूर्ण झाली असून उर्वरित ३५ कोटी रुपयांच्या कामांचा आराखडा तयार करण्यात येत आहे.

या विकासकामांमुळे यल्लम्मा डोंगरावर येणाऱ्या भाविकांना दर्शनासाठी अधिक सुलभ आणि सुरक्षित सुविधा उपलब्ध होतील, असा विश्वास व्यक्त करण्यात आला.

दरम्यान, मंदिराच्या गाभाऱ्यात पावसाळ्यात शिरणाऱ्या पाण्याच्या समस्येवर कायमस्वरूपी उपाय करण्यासाठी मंदिर परिसरातील अतिक्रमणे हटविण्याची मोहीमही सुरू करण्यात आली आहे. पुढील पावसाळ्यापासून गाभाऱ्यात पाणी जाणार नाही, यासाठी आवश्यक उपाययोजना केल्या जात असल्याचे प्रशासनाने स्पष्ट केले.

यल्लम्मा डोंगरावरील विद्यमान दुकानदारांना लिलाव प्रक्रियेद्वारे पुन्हा जागा उपलब्ध करून देण्यात येणार आहे. तसेच, एक जुने व्यापारी संकुल पाडण्यात येणार असून संबंधित दुकानदारांना पर्यायी जागा देण्याची तयारी प्रशासनाने सुरू केली आहे.

मंदिर परिसराचा संपूर्ण कायापालट करणारा हा महत्त्वाकांक्षी प्रकल्प लवकरच प्रत्यक्षात येणार असल्याचे सांगण्यात आले.

The post सौंदत्ती यल्लम्मा मंदिर विकासासाठी २१५ कोटींचा निधी मंजूर appeared first on News 24 Tass Marathi.

बेळगाव : राज्य सरकारच्या ‘प्रगतीपथ’ योजनेंतर्गत बेळगाव जिल्ह्यातील ग्रामीण भागातील ४८१.१४ किलोमीटर लांबीच्या रस्त्यांचा विकास करण्यात येणार असून, यासाठी सुमारे ३४९.७४ कोटी रुपयांचा खर्च अपेक्षित आहे. जिल्ह्यातील सर्व १८ विधानसभा मतदारसंघांमध्ये हा प्रकल्प राबविण्यात येणार असून, लवकरच प्रत्यक्ष कामाला सुरुवात होणार आहे.

ग्रामीण भागातील संपर्क व्यवस्था मजबूत करण्यासाठी राज्य सरकारने ‘प्रगतीपथ’ ही महत्त्वाकांक्षी योजना सुरू केली आहे. या योजनेंतर्गत राज्यभरात ५,१९० कोटी रुपयांच्या खर्चातून ७,११० किलोमीटर लांबीचे ग्रामीण रस्ते विकसित करण्याचे उद्दिष्ट ठेवण्यात आले आहे.

बेळगाव जिल्ह्यासाठी मंजूर करण्यात आलेल्या रस्ते विकास प्रकल्पांतर्गत ग्रामीण रस्त्यांची दुरुस्ती, नव्या संपर्क मार्गांची निर्मिती तसेच वाहतुकीसाठी दर्जेदार रस्ते उपलब्ध करून देण्यावर भर दिला जाणार आहे. हा प्रकल्प ७० टक्के कर्ज व ३० टक्के राज्य सरकारच्या अनुदानाच्या माध्यमातून राबविण्यात येणार आहे.

रस्ते बांधकामानंतर पुढील पाच वर्षे संबंधित रस्त्यांची देखभाल करण्याची जबाबदारीही कंत्राटदारांवर राहणार आहे. या संपूर्ण प्रकल्पावर कर्नाटक ग्रामीण रस्ते विकास महामंडळ देखरेख ठेवणार असून, मतदारसंघनिहाय पॅकेज पद्धतीने कामे हाती घेतली जाणार आहेत.

दरम्यान, पहिल्या टप्प्यातील २३०.५४ किलोमीटर लांबीच्या रस्त्यांच्या कामांसाठी १६३.३६ कोटी रुपयांचा अंदाजित खर्च निश्चित करण्यात आला असून, १५ मे रोजी निविदा मागविण्यात आल्या आहेत. त्यामुळे जिल्ह्यातील ग्रामीण भागातील रस्ते विकासाला गती मिळणार असल्याचे चित्र आहे.

The post ‘प्रगतीपथ’ योजनेतून बेळगाव जिल्ह्याच्या ग्रामीण भागातील ४८१ किमी रस्त्यांचा विकास appeared first on News 24 Tass Marathi.

हलगा-मच्छे बायपास प्रकल्पाबाबत अधिकाऱ्यांनी माहिती देताना ९ किलोमीटरपैकी सुमारे ४ किलोमीटरपर्यंत डांबरीकरण पूर्ण झाल्याचे सांगितले. सेवा रस्त्यांचे काम सुरू असून उर्वरित कामही लवकरच पूर्ण करण्यात येणार असल्याचे स्पष्ट करण्यात आले.

बेळगाव-हुनगुंद-रायचूर महामार्गाच्या पॅकेज-१ अंतर्गत ४३.८ किलोमीटरच्या प्रकल्पासाठी सुमारे ३७ किलोमीटर जमीन संपादन पूर्ण झाले असून शेतकऱ्यांना सुमारे २७० कोटी रुपयांची भरपाई देण्यात आल्याची माहिती देण्यात आली. संपूर्ण प्रक्रिया फेब्रुवारी २०२७ पर्यंत पूर्ण होण्याची शक्यता व्यक्त करण्यात आली.

पॅकेज-२ अंतर्गत ४६.१ किलोमीटरच्या कामासाठी सुमारे ३८ किलोमीटर जमीन संपादन पूर्ण झाले असून शेतकऱ्यांना सुमारे २ कोटी रुपयांची भरपाई देण्यात आली आहे. जमीन संपादन प्रक्रियेत येणाऱ्या काही अडचणी बैठकीत मांडण्यात आल्या.

बैलहोंगल तालुक्यातील नागनूर आणि भाविहाळ गावांतील शेतकऱ्यांच्या मागणीनुसार सेवा रस्ते आणि जनावरांसाठी क्रॉसिंगची सुविधा उपलब्ध करून देण्याच्या सूचना खासदार शेट्टर यांनी NHAI अधिकाऱ्यांना दिल्या.

बेळगाव-संकेश्वर सहापदरीकरणाचे काम अंतिम टप्प्यात असल्याची माहिती जिल्हाधिकाऱ्यांनी दिली. तसेच बेळगाव-कित्तूर-धारवाड नवीन रेल्वे मार्ग प्रकल्पासाठी सुमारे १,१९० एकर जमीन आवश्यक असून त्यापैकी ४०७ एकर संपादनास PAC कडून मंजुरी मिळाल्याचे सांगण्यात आले. मात्र, राज्य सरकारकडून निधी न मिळाल्याने प्रकल्पाच्या गतीवर परिणाम होण्याची शक्यता अधिकाऱ्यांनी व्यक्त केली.

टिळकवाडी येथील एलसी क्रमांक ३८१ जवळ दुसऱ्या मार्गाच्या बांधकामाबाबतही खासदारांनी माहिती घेत काम तातडीने सुरू करण्याच्या सूचना दिल्या.

बेळगाव विमानतळ विस्तार योजनेअंतर्गत समांतर टॅक्सी ट्रॅक उभारण्यासाठी हवाई दलाकडील जमिनीची आवश्यकता असल्याची माहिती विमानतळ अधिकाऱ्यांनी बैठकीत दिली.

The post केंद्र सरकारच्या विविध विकासकामांचा खासदार जगदीश शेट्टर यांनी घेतला आढावा appeared first on News 24 Tass Marathi.

• मृणाल हेब्बाळकर यांच्याहस्ते भूमिपूजन
• गावाच्या पायाभूत सुविधांना चालना

सुळगा (हिं.) / प्रतिनिधी

सुळगा (हिं.) गावाच्या विकासासाठी महत्त्वपूर्ण ठरणाऱ्या विविध रस्ते बांधकामाचा शुभारंभ उत्साहात करण्यात आला. गावातील पायाभूत सुविधा मजबूत करण्याच्या उद्देशाने आयोजित भूमिपूजन सोहळा मा. मृणाल हेब्बाळकर यांच्याहस्ते संपन्न झाला. या उपक्रमामुळे गावातील नागरिकांना सुकर वाहतूक व्यवस्था उपलब्ध होण्याची अपेक्षा व्यक्त केली जात आहे.

या अंतर्गत गावातील मिलकी रोड, शंकर मंदिर मागील परिसर, आंबेडकर गल्ली, सिमेदेव नगर तसेच साई कॉलनी या भागांमध्ये रस्ते बांधकामाच्या कामांना अधिकृतपणे प्रारंभ करण्यात आला. या रस्त्यांमुळे दैनंदिन वाहतूक अधिक सुलभ आणि सुरळीत होणार असून गावाच्या सर्वांगीण विकासाला चालना मिळणार असल्याचे ग्रामस्थांनी सांगितले.

भूमिपूजन कार्यक्रमावेळी ग्रामपंचायतीचे माजी सदस्य, गावातील देवस्की पंच, मान्यवर नागरिक आणि ग्रामस्थ मोठ्या संख्येने उपस्थित होते. गावात सुरू झालेल्या या विकासकामांमुळे स्थानिकांमध्ये समाधानाचे वातावरण असून गावाच्या प्रगतीसाठी हा महत्त्वाचा टप्पा ठरणार असल्याची भावना नागरिकांनी व्यक्त केली.

The post सुळगा (हिं.) येथे विविध रस्ते बांधकामांचा शुभारंभ appeared first on News 24 Tass Marathi.

बेळगाव / प्रतिनिधी

कर्नाटकचे मुख्यमंत्री सिद्धरामय्या यांनी सादर केलेल्या २०२५-२६ या आर्थिक वर्षाच्या राज्य अर्थसंकल्पात सीमावर्ती बेळगाव जिल्ह्यासाठी विविध विकासकामांची घोषणा करण्यात आली आहे. औद्योगिक, सिंचन, शिक्षण आणि क्रीडा क्षेत्रासाठी मोठ्या प्रमाणावर निधी जाहीर करण्यात आल्याने जिल्ह्याच्या सर्वांगीण विकासाला चालना मिळणार असल्याचे स्पष्ट झाले आहे.

या अर्थसंकल्पात महिला व बालविकास विभागासाठी मोठी तरतूद करण्यात आली असून गृहलक्ष्मी योजनेसाठी तब्बल २८,६०८ कोटी रुपये राखून ठेवण्यात आले आहेत. बेळगाव जिल्ह्यात सुमारे १,००० एकर क्षेत्रात भव्य औद्योगिक पार्क उभारण्याचा निर्णय घेण्यात आला असून, त्यामुळे स्थानिक युवकांसाठी मोठ्या प्रमाणावर रोजगारनिर्मिती होण्याची अपेक्षा व्यक्त होत आहे.

जिल्ह्याची जीवनवाहिनी मानल्या जाणाऱ्या कळसा-भांडुरा प्रकल्पाबाबतही महत्त्वाची घोषणा करण्यात आली. केंद्र सरकारच्या वन विभागाकडून आवश्यक परवानगी मिळताच या प्रकल्पाचे काम सुरू करण्यात येईल, असे मुख्यमंत्र्यांनी स्पष्ट केले. तसेच सुवर्णसौध येथे कार्यरत कर्मचाऱ्यांसाठी २० कोटी रुपये खर्चून कायमस्वरूपी बॅरेक्स उभारण्यास आणि यंटगट्टी येथे नवीन पोलीस स्थानक स्थापन करण्यास मंजुरी देण्यात आली आहे.

क्रीडा क्षेत्रात कुस्तीचा गड असलेल्या बेळगुंदी येथे नवीन कुस्ती आखाडा उभारण्याचा निर्णय घेण्यात आला असून स्थानिक खेळाडूंना त्याचा लाभ होणार आहे. शिक्षण क्षेत्रात बेळगाव ग्रामीण व बैलहोंगल भागात नवीन निवासी शाळा आणि शासकीय प्रथम श्रेणी महाविद्यालये सुरू करण्याची घोषणा करण्यात आली आहे. तसेच अथणी येथे कृषी महाविद्यालय स्थापन करण्यासाठी व्यवहार्यता अहवाल सादर करण्याचे निर्देश देण्यात आले आहेत. अनुसूचित जाती-जमातीच्या नोकरी करणाऱ्या महिलांसाठी बेळगावमध्ये सुसज्ज वसतिगृह उभारण्याचाही निर्णय घेण्यात आला आहे.

सिंचन क्षेत्रात रामदुर्ग, सौंदत्ती आणि अथणी तालुक्यातील तलाव भरण्याच्या योजना तसेच रेणुका उपसा सिंचन योजना पूर्ण करण्याचे उद्दिष्ट ठेवण्यात आले आहे. संकेश्वर येथे रस्ते विकास कार्यक्रमांतर्गत कामांना गती देण्याबरोबरच जिल्ह्यात राष्ट्रीय स्तरावरील मॅरेथॉन आयोजित करण्याची घोषणाही करण्यात आली आहे.

याशिवाय राज्यातील विविध विभागांतील ५६,४३२ रिक्त पदे भरण्यात येणार असून आरक्षणासंदर्भातील न्यायालयीन प्रकरणांमुळे उमेदवारांचे नुकसान टाळण्यासाठी थेट भरतीसाठीची कमाल वयोमर्यादा एकदाच लागू होईल अशा पद्धतीने ५ वर्षांनी शिथिल करण्यात आली आहे. वन विभागातील २,००० पदांची भरती तसेच महिला अतिथी अधिव्याख्यात्यांना ९० दिवसांची प्रसूती रजा देण्याची तरतूदही या अर्थसंकल्पात करण्यात आली आहे.

The post राज्य अर्थसंकल्पात बेळगावच्या विकासाला विशेष प्राधान्य appeared first on News 24 Tass Marathi.

बेळगाव / प्रतिनिधी 

बेळगाव शहराच्या सर्वांगीण विकासासाठी नवा मास्टर प्लान तयार करण्याची प्रक्रिया लवकरच सुरू होणार आहे. या मास्टर प्लानमध्ये शहरासह तालुक्यातील एकूण ५५ गावांचा समावेश करण्यात येणार आहे.

या नव्या आराखड्यानुसार बेळगाव नगरविकास प्राधिकरण (बुडा) कडून ज्या भूभागावर जे आरक्षण निश्चित केले जाईल, तेच आरक्षण अंतिम मानले जाणार आहे. त्यामुळे नागरिकांना भू-वापर बदलासाठी (लँड यूज कन्वर्जन) करावा लागणारा अनावश्यक खर्च आणि वेळ वाचणार आहे.

या मास्टर प्लानसंदर्भातील विधेयक महसूल मंत्री भैरैगौडा यांनी सादर केले असून, हे विधेयक लवकरच विधानपरिषदेत मंजुरीसाठी मांडले जाणार आहे.

नव्या मास्टर प्लानमुळे बेळगाव शहर आणि परिसरातील गावांच्या नियोजनबद्ध विकासाला चालना मिळणार, तसेच भविष्यातील पायाभूत सुविधा, रस्ते, निवासी व औद्योगिक क्षेत्रांचे नियोजन अधिक सुस्पष्ट होणार असल्याचे सांगण्यात येत आहे.

The post बेळगाव शहर व तालुक्यातील ५५ गावांसाठी नवा मास्टर प्लान appeared first on News 24 Tass Marathi.

कोल्हापूर / प्रतिनिधी

करवीरनिवासिनी श्री अंबाबाई मंदिर आणि दख्खनचा राजा श्री जोतिबा मंदिर या दोन प्रमुख तीर्थक्षेत्रांच्या बहुप्रतिक्षित विकास आराखड्याला अखेर मंगळवारी प्रत्यक्ष सुरुवात झाली. अनेक वर्षांपासून चर्चेत असलेल्या या महत्त्वाकांक्षी योजनेतील पहिल्या टप्प्यातील कामे सुरू करण्यात आली आहेत.

अंबाबाई देवस्थान परिसर विकासासाठी एकूण १,४४५ कोटी ९७ लाख रुपये निधी मंजूर झाला आहे. यापैकी पहिल्या टप्प्यात १४३ कोटी ९० लाख रुपये खर्चून मंदिर संवर्धनाशी संबंधित कामे केली जाणार असून, त्यातील ३४ कोटी ७८ लाख रुपयांची कामे थेट मंदिर परिसरात राबवली जात आहेत. या कामांना आता औपचारिक सुरुवात झाली आहे.

तसेच जोतिबा देवस्थान विकासासाठी २५९ कोटी ५९ लाख रुपये निधी मंजूर करण्यात आला असून, पहिल्या टप्प्यात ३३ कोटी ९० लाख रुपयांची मंदिर जतन व संवर्धनाची कामे हाती घेण्यात आली आहेत.

पहिल्या टप्प्यात दोन्ही तीर्थक्षेत्रांतील कामे प्रामुख्याने मंदिरांचे जतन आणि संवर्धन यावर केंद्रित आहेत. त्यामुळे ही सर्व कामे राज्य पुरातत्त्व विभागाच्या देखरेखीखाली केली जाणार आहेत. पुरातत्त्व विभागाच्या मान्यताप्राप्त ठेकेदारांकडूनच निविदा मागवण्यात आल्या असून, ठेकेदार निश्चित करून त्यांना कार्यारंभ आदेश देण्यात आले आहेत.

ठेकेदारांनी प्रत्यक्ष कामाला सुरुवात केली असल्याची माहिती जिल्हाधिकारी तथा पश्चिम महाराष्ट्र देवस्थान व्यवस्थापन समितीचे प्रशासक अमोल येडगे यांनी दिली. या विकासकामांमुळे अंबाबाई आणि जोतिबा ही दोन्ही तीर्थक्षेत्रे अधिक सुव्यवस्थित, सुरक्षित आणि भाविकांसाठी सुसज्ज होणार असल्याची अपेक्षा व्यक्त केली जात आहे.

The post अंबाबाई व जोतिबा तीर्थक्षेत्र विकासाला सुरुवात appeared first on News 24 Tass Marathi.

बेळगाव ग्रामीण मतदारसंघातील सुळगा (उ.) गावात सोमवार (दि. १) डिसेंबर रोजी ग्रामपंचायतीतर्फे करण्यात येणाऱ्या लक्ष्मी गल्ली येथील रस्त्याच्या बांधकामाचे भूमिपूजन युवक काँग्रेस नेते मृणाल हेब्बाळकर यांच्याहस्ते करण्यात आले.

मंत्री लक्ष्मी हेब्बाळकर यांच्या प्रयत्नांमुळे मंजूर खर्चाने रस्ते बांधले जात आहेत. रस्ता बांधकामामुळे गल्लीतील येण्या जाण्याची व्यवस्था अधिक सुलभ होणार असून ग्रामपंचायतीने हे काम गुणवत्तापूर्ण आणि वेळेत पूर्ण करण्याचे आश्वासन दिले.

याप्रसंगी काडा अध्यक्ष युवराज कदम, सुळगा (उ.) ग्रामपंचायत उपाध्यक्ष आणि सदस्य, देवस्की पंच व ग्रामविकास मंडळाचे पदाधिकारी, बाळू देसुरकर, सामाजिक कार्यकर्ते व स्थानिक नागरिक उपस्थित होते.

The post सुळगा (उ.) येथे रस्ता बांधकामाचे भूमिपूजन appeared first on News 24 Tass Marathi.

बेळगाव ग्रामीण मतदारसंघातील बेकिनकिरे गावात सुमारे २ कोटी ६० लाख रुपयांच्या खर्चाने होणाऱ्या रस्ते व विविध बांधकामाच्या कामाचे भूमिपूजन महिला व बालकल्याण विकासमंत्री सौ. लक्ष्मी हेब्बाळकर यांच्या मार्गदर्शनाखाली व स्थानिक लोकप्रतिनिधींसह पार पडले आणि कामाला प्रारंभ करण्यात आला.

यावेळी युवक काँग्रेस नेते मृणाल हेब्बाळकर, काडा अध्यक्ष युवराज कदम व गावातील ज्येष्ठ नागरिक, स्थानिक लोकप्रतिनिधी, रहिवासी तसेच अनेक मान्यवर उपस्थित होते.

The post बेकिनकेरे गावात विविध विकासकामांचा शुभारंभ ! appeared first on News 24 Tass Marathi.