संपूर्ण जगभरात भगवान येशू ख्रिस्तांचा जन्मदिवस २५ डिसेंबर हा नाताळ अर्थात ख्रिसमस म्हणून मोठ्या भव्य दिव्य आणि उत्साहात साजरा केला जात असतो. गुरुवारी नाताळ सणाच्या निमित्ताने संपूर्ण देशभरातील ख्रिस्ती बांधवांच्या चर्च प्रार्थना स्थळांमध्ये मध्यरात्री विशेष प्रार्थना सभा संपन्न झाल्या. बेळगाव शहर उपनगरात असलेल्या चर्चमध्ये झालेल्या मध्यरात्रीच्या प्रार्थनेला ख्रिस्ती बांधवांनी मोठ्या संख्येने उपस्थिती दर्शवली.

मध्यरात्री भगवान येशुंचा जन्मदिवस सामुदायिक प्रार्थनेसह साजरा करण्यात येतो. फातिमा कॅथरल चर्च, सेंट मेरी चर्च, तसेच शहापूर येथील चर्चमध्ये मध्यरात्री विशेष प्रार्थना सभा आयोजित करण्यात आले होत्या. बेळगाव येथील कॅम्प परिसरात ख्रिश्चन बांधवांची संख्या मोठी असल्याने संपूर्ण कॅम्प परिसर विद्युत दिव्यांच्या रोषणाईने झगमगून गेला. ख्रिश्चन बांधवांचा नाताळ हा प्रमुख सण आहे. नाताळ सणाला चर्च आणि निवासस्थाने सजवण्याची परंपरा आहे.तसेच ख्रिसमस ट्री आणून त्याला स्टार्स फुगे बेल्स इत्यादी वस्तूंनी सजविले जात असतात. याचाच प्रत्येक गुरुवारी ख्रिस्ती बांधवांच्या घरांमधून तसेच चर्च मध्ये नाताळ निमित्त भगवान येशूंच्या जन्माचे देखावे ही सादर करण्यात आले आहेत. गरिबांना वाचवा या थीमनुसार बेळगाव शहरात नाताळ उत्साहात साजरा करण्यात येत आहे २४ रोजी मध्यरात्री दोन तास प्रार्थना करण्यात आली.

आता १ तारखेपर्यंत विविध कार्यक्रमांचे आयोजन करण्यात आले आहे. यंदा गरिबांना वाचवा या थीमवर बेळगाव सह पाच जिल्ह्यातून तीन ते चार हजार ख्रिस्त बांधव नाताळ साजरा करण्यासाठी शहरात आले आहेत, अशी माहिती बिशप डेरेक फर्नांडिस यांनी दिली. ते म्हणाले, यंदा बेळगावसह धारवाड, गदग, बागलकोट, हावेरी येथील ख्रिस्त बांधव नाताळ साजरा करण्यासाठी एकत्र येणार आहेत. नाताळ हा गरिबांचा सण असून आनंदी राहा असा संदेश देण्यात येणार आहे. नाताळ हा गरिबांसाठी, गरिबांचा व गरिबांसोबत साजरा होणारा सण आहे.

नाताळ दरम्यान मध्यरात्री होणारी प्रार्थना अत्यंत महत्त्वपूर्ण मानली जाते. यादरम्यान सर्व ख्रिस्त बांधव एकत्र येऊन येशू ख्रिस्तांचे प्रार्थना करतात. असे त्यांनी सांगितले. २५ डिसेंबर ते एक जानेवारी अखेर विविध कार्यक्रमाच्या आयोजन करण्यात येणार असून,लहानांपासून ते अबालवृद्धांपर्यंत सर्व ख्रिस्त बांधव यामध्ये सहभागी झाले होते.

The post बेळगावात नाताळ सण उत्साहात साजरा appeared first on News 24 Tass Marathi.

बेळगाव / प्रतिनिधी

‘ख्रिसमस’ हा केवळ आनंदाचा उत्सव नसून तो आशा, नम्रता आणि गरिबांशी एकजुटीच्या भावनेतून साजरा केला जाणारा सण आहे, असे प्रतिपादन बेळगावी धर्मप्रांताचे बिशप डेरिक फर्नांडिस यांनी केले.

वार्षिक ख्रिसमस संदेशानिमित्त आयोजित पत्रकार परिषदेत बोलताना बिशप फर्नांडिस म्हणाले की, ख्रिसमसचा मूळ अर्थ गरिबांशी जोडलेला आहे. हा सण गरिबांसाठी, गरिबांचा आणि गरिबांसोबत साजरा करण्याचा आहे. त्यामुळे विश्वासूंनी केवळ सणापुरते मर्यादित न राहता न्यायासाठी कार्य करावे आणि करुणेवर आधारित समाज उभारण्यासाठी पुढाकार घ्यावा.

ख्रिश्चन समाजाला केवळ दानधर्मापलीकडे जाऊन विचार करण्याचे आवाहन करताना त्यांनी सांगितले की, या ख्रिसमसमध्ये गरिबांकडे फक्त देणगीदार म्हणून नव्हे, तर सहप्रवासी म्हणून पाहण्याची गरज आहे. गरिबांच्या जीवनात जाणीवपूर्वक सहभागी होऊन त्यांच्या दुःखात आणि संघर्षात सोबत उभे राहणे हाच ख्रिसमसचा खरा संदेश आहे.

“गरिबांच्या चेहऱ्यात आपल्याला ख्रिस्ताचे दर्शन घ्यायला हवे. त्यांच्या कथा ऐकल्या पाहिजेत, त्यांच्या संघर्षात सहभागी व्हायला हवे आणि त्यांना देवाने दिलेल्या प्रतिष्ठेची जाणीव करून दिली पाहिजे. जेव्हा आपण गरिबांसोबत चालतो, तेव्हाच ख्रिसमसचा खरा अर्थ उमजतो आणि खऱ्या एकजुटीतून मिळणाऱ्या आनंदाचा अनुभव येतो,” असेही बिशप फर्नांडिस यांनी स्पष्ट केले.

The post ‘ख्रिसमस’ हा गरिबांसोबत एकजुटीने साजरा करण्याचा सण appeared first on News 24 Tass Marathi.

बेळगाव / प्रतिनिधी

ख्रिस्ती बांधवांचा प्रमुख सण असलेल्या नाताळच्या स्वागतासाठी बेळगाव शहर सज्ज झाले असून, शहरात विशेषतः कॅम्प परिसरात उत्साहाचे वातावरण निर्माण झाले आहे. २५ डिसेंबर रोजी साजऱ्या होणाऱ्या प्रभू येशू ख्रिस्तांच्या जन्मदिनाच्या पार्श्वभूमीवर संपूर्ण परिसर विद्युत रोषणाई, सजावटी आणि धार्मिक तयारीने न्हाऊन निघाला आहे.

कॅम्प भागात ख्रिश्चन समाजाची संख्या मोठी असल्याने गेल्या आठवड्यापासून चर्च, निवासस्थाने आणि सार्वजनिक ठिकाणी आकर्षक सजावट करण्यात आली आहे. घराघरांत ख्रिसमस ट्री उभारून त्यावर तारे, घंटा, फुगे आणि रंगीबेरंगी दिवे लावण्यात आले आहेत. नाताळनिमित्त बाजारपेठांमध्येही सजावटीच्या साहित्याची मोठी गर्दी पाहायला मिळत आहे.

शहरातील विविध चर्चमध्ये आज २४ डिसेंबर रोजी मध्यरात्री सामुदायिक प्रार्थनेद्वारे प्रभू येशूंचा जन्मोत्सव साजरा करण्यात येणार आहे. यासाठी विशेष धार्मिक विधी आणि गायन कार्यक्रमांचे आयोजन करण्यात आले आहे. तसेच अनेक ठिकाणी प्रभू येशूंच्या जन्माचे आकर्षक देखावे उभारण्यात आले असून, नागरिकांचे लक्ष वेधून घेत आहेत.

नाताळच्या निमित्ताने बेळगावात शांतता, बंधुभाव आणि आनंदाचे वातावरण असून, हा सण सर्व धर्मीय नागरिक एकत्रितपणे साजरा करत असल्याचे चित्र शहरात दिसून येत आहे.

The post बेळगावात नाताळचा उत्साह appeared first on News 24 Tass Marathi.