या कार्यक्रमाच्या अध्यक्षस्थानी रावजी महादेव पाटील होते. विद्यार्थ्यांच्या ईशस्तवनाने कार्यक्रमाची सुरुवात झाली. एसडीएमसीच्या विद्यमान अध्यक्षा दिव्या संदीप कुंडेकर तसेच माजी अध्यक्षा रुपा श्रीधर धामणेकर यांच्या हस्ते सरस्वती पूजन करण्यात आले. त्यानंतर नवहिंद क्रीडा केंद्राचे अध्यक्ष एन. डी. गोरे व इतर मान्यवरांच्या उपस्थितीत दीपप्रज्वलन करून कार्यक्रमाचे उद्घाटन झाले.

शाळेतर्फे शतकोत्तर सुवर्ण महोत्सव समितीचे अध्यक्ष रावजी पाटील, निधी संकलन समितीचे अध्यक्ष सतीश बाळकृष्ण पाटील, स्मरणिका समितीचे अध्यक्ष बी. बी. कानशिडे, प्रा. आनंद मेणसे, पत्रकार कृष्णा शहापूरकर, अशोक देसाई, महोत्सव समितीचे सचिव तथा मुख्याध्यापक राजेंद्र चलवादी आणि सहशिक्षक सातेरी पाखरे यांचा सत्कार करण्यात आला.

प्रमुख अतिथी प्रा. आनंद मेणसे यांच्या हस्ते महोत्सव अहवालाचे प्रकाशन व स्मरणिकेचे वितरण झाले. यानंतर वरिष्ठ मुख्याध्यापक आर. एम. चलवादी यांनी अहवालाचे वाचन केले. प्रा. आनंद मेणसे, कृष्णा शहापूरकर, एन. डी. गोरे आणि आनंद पाटील यांनी मनोगत व्यक्त केले. बी. बी. कानशिडे यांनी प्रास्ताविकातून महोत्सवाच्या निमित्ताने राबविण्यात आलेल्या संकल्पांची माहिती दिली.

अध्यक्षीय भाषणात रावजी पाटील यांनी महोत्सव यशस्वी करण्यासाठी सहकार्य करणाऱ्या सर्व देणगीदारांचे आभार मानले. या कार्यक्रमाला एसडीएमसी उपाध्यक्ष जोतिबा उडडेकर, सदस्य मूर्तिकुमार माने, मारुती यळगुकर, दिनेश लोहार, जोतिबा पाटील तसेच अलका कुंडेकर, मयुरी कुगजी, रेश्मा काकतकर, राजश्री सुतार, शुभांगी मुतगेकर, अर्चना देसाई, ज्योती पाटील यांसह महोत्सव समितीचे सदस्य शिवाजी नांदुरकर, नारायण बस्तवाडकर, दशरथ पाटील, अशोकराव विठ्ठलराव देसाई, सुनील हलगेकर, शंकर टक्केकर, शिक्षकवृंद व विद्यार्थी मोठ्या संख्येने उपस्थित होते.

अतिथींचे स्वागत व सत्कार श्रीमती एस. आर. निलजकर यांनी केले. सूत्रसंचालन एस. बी. पाखरे यांनी तर आभार प्रदर्शन सी. एम. कर्लेकर यांनी केले. महोत्सवाचा अहवाल व स्मरणिका शाळेत उपलब्ध असून देणगीदार व शिक्षणप्रेमींनी शाळेला भेट देऊन ती स्वीकारावी, असे आवाहन महोत्सव समितीने केले आहे.

The post येळ्ळूर मराठी मॉडेल शाळेत शतकोत्तर सुवर्ण महोत्सव अहवालाचे प्रकाशन,स्मरणिकेचे वितरण appeared first on News 24 Tass Marathi.

खानापूर : चापगाव (ता. खानापूर) येथील सरकारी उच्च प्राथमिक मराठी शाळा आपल्या स्थापनेची शंभरी पूर्ण करत असून दि. २५ व २६ फेब्रुवारी रोजी शतकमहोत्सव सोहळा उत्साहात साजरा करण्यात येणार आहे. दि. १ फेब्रुवारी १९२६ रोजी स्थापन झालेल्या या शाळेने शैक्षणिक क्षेत्रात शंभर वर्षांची यशस्वी वाटचाल पूर्ण केली आहे.

शतकमहोत्सव कार्यक्रमाची सुरुवात बुधवार, दि. २५ रोजी सकाळी ८ वाजता ग्रंथदिंडीने होणार आहे. उद्घाटन समारंभ प.पू. चन्नबसव देवस रुद्रस्वामी मठ, अवरोळी यांच्या दिव्य सानिध्यात पार पडणार असून कार्यक्रमाच्या अध्यक्षस्थानी शतकमहोत्सव समितीचे अध्यक्ष विलास धबाले राहतील.

नूतनीकरण करण्यात आलेल्या शाळा इमारतीचे लोकार्पण सार्वजनिक बांधकाम मंत्री व पालकमंत्री Satish Jarkiholi यांच्या हस्ते होणार आहे. प्रवेशद्वाराचे उद्घाटन माजी आमदार अरविंद पाटील, ग्रंथदिंडीचे उद्घाटन माजी आमदार दिगंबर पाटील व माजी आमदार अंजली निंबाळकर यांच्या हस्ते होईल. संगणक कक्षाचे उद्घाटन ‘तरुण भारत’चे सल्लागार संपादक किरण ठाकूर यांच्या हस्ते करण्यात येणार आहे.

दुपारी २.३० ते ४ या वेळेत व्याख्याते गणेश शिंदे यांचे ‘मातृभाषेचे महत्त्व व संस्काराची गरज’ या विषयावर मार्गदर्शनपर व्याख्यान होणार आहे. सायंकाळी ७ वाजता सांस्कृतिक कार्यक्रमाचे आयोजन करण्यात आले असून या कार्यक्रमाचे अध्यक्षस्थान माजी ग्रामपंचायत अध्यक्ष रमेश पवाले भूषवणार आहेत.

• गुरुवारी माजी विद्यार्थ्यांचा स्नेहमेळावा :

गुरुवार, दि. २६ रोजी सकाळी १० वाजता माजी विद्यार्थ्यांचा स्नेहमेळावा व सत्कार समारंभ आयोजित करण्यात आला आहे. या कार्यक्रमाच्या अध्यक्षस्थानी एसडीएमसी अध्यक्ष मष्णू चोपडे राहतील. सायंकाळी ६ ते ९ या वेळेत प्राथमिक व माध्यमिक विद्यार्थ्यांचे विविध सांस्कृतिक कार्यक्रम सादर करण्यात येणार असून शतकमहोत्सव सोहळ्याची सांगता होणार आहे.

The post चापगाव मराठी शाळेचा २५-२६ फेब्रुवारीला शतकमहोत्सव सोहळा appeared first on News 24 Tass Marathi.