बेळगाव जिल्हा शरीरसौष्ठव संघटना आयोजित गोरल क्लासिक जिल्हास्तरीय शरीरसौष्ठव स्पर्धेत नेक्स्ट लेव्हल जीमच्या प्रशांत खन्नूकर याने आपल्या पिळदार शरीराच्या जोरावर गोरल क्लासिक मानाचा किताब पटकाविला.तर मंथन जीमच्या किशोर पुजारीने उत्कृष्ट पोझर हा बहुमान मिळविला. स्पर्धेच्या उद्घाटनप्रसंगी प्रमुख पाहुणे पुरस्कर्ते माजी जिल्हा पंचायत सदस्य रमेश गोरल व इतर मान्यवरांच्या हस्ते दीपप्रज्वलन व हनुमान मूर्तीचे पूजन करून स्पर्धेचे उद्घाटन करण्यात आले. सुमारे 125 स्पर्धकांनी या स्पर्धेत सहभाग घेतला होता.

गोरल क्लासिक किताबासाठी केतन भातकांडे, संजय बस्तवाडकर, अवनिश पुजारी, सुनील भातकांडे, प्रताप कालकुंद्रीकर, प्रशांत खन्नूकर, विशाल चव्हाण यांच्यात लढत झाली. त्यानंतर प्रताप कालकुंद्रीकर, प्रशांत खन्नूकर व विशाल चव्हाण यांच्यात तुलनात्मक लढत झाली. त्यामध्ये प्रशांत खन्नूकरने आपल्या पिळदार शरीराच्या जोरावर गोरल क्लासिक येळ्ळूर हा मानाचा किताब पटकावला. तर उत्कृष्ट पोझर स्पर्धेत मंथन जीमच्या किशोर पुजारी याने आपल्या उत्कृष्ट पोझिंगद्वारे उत्कृष्ट पोझरचा बहुमान मिळविला.

पुरस्कर्ते रमेश गोरल, अजित सिद्दण्णवर व इतर मान्यवरांच्या हस्ते विजेत्या प्रशांत खन्नूकरला मानाचा किताब, चषक, प्रमाणपत्र व भेटवस्तू तर किशोर पुजारीला चषक, प्रमाणपत्र व रोख रक्कम देऊन गौरविण्यात आले. एम. गंगाधर, हेमंत हावळ, प्रकाश पुजारी, राजाराम मजुकर, सुनील पवार, आनंद लंगरकांडे, राजशेखर चव्हाण, आकाश हुलीयार, नूरमुल्ला, सुनील अष्टेकर, गजानन हंगिरगेकर, सुनील राऊत यांनी काम पाहिले.

The post प्रशांत खन्नूकर ‘गोरल क्लासिक येळ्ळूर’ किताबाचा मानकरी appeared first on News 24 Tass Marathi.

राज्यस्तरीय शरीरसौष्ठव स्पर्धेत दावणगेरेच्या मंजुनाथने उत्कृष्ट सादरीकरण करत ‘मिस्टर कर्नाटक क्लासिक २०२६’ हा मानाचा किताब पटकावला. कडवी स्पर्धा, तगडे प्रतिस्पर्धी आणि रंगतदार पोझिंग यामध्ये मंजुनाथने सरस ठरत विजेतेपदावर नाव कोरले.

या स्पर्धेत प्रशांत खन्नूकर याने प्रथम उपविजेतेपद मिळवले, तर अमन शेख याने द्वितीय उपविजेतेपद पटकावले. उमेश गंगाणे याला आकर्षक सादरीकरणासाठी ‘बेस्ट पोझर’ पुरस्काराने गौरविण्यात आले.

वजनी गटानुसारही विजेत्यांची घोषणा करण्यात आली. ६० किलो गटात उमेश गंगाणे, ८० किलो गटात प्रशांत खन्नूकर, ८५ किलो गटात अमन शेख आणि ७५ किलो गटात इख्लास कुरेशी यांनी प्रथम क्रमांक मिळवला.

याशिवाय ५५ किलो गटात कृष्णप्रसाद, ७० किलो गटात शरणू आणि ६५ किलो गटात इम्तियाज आनेर यांनी उल्लेखनीय यश संपादन केले. स्पर्धेत राज्यभरातील खेळाडूंनी सहभाग नोंदवून शरीरसौष्ठवाचा उत्कृष्ट नमुना सादर केला.

The post दावणगेरेचा मंजुनाथ ‘मिस्टर कर्नाटक क्लासिक २०२६’चा मानकरी appeared first on News 24 Tass Marathi.

या स्पर्धेत पॉलिहैड्रान जिमचा व्यंकटेश ताशिलदार याने प्रथम उपविजेतेपद, तर लाईफ टाईम जिमचा विशाल चव्हाण याने द्वितीय उपविजेतेपद मिळवले. फ्लॅक्स फिटनेसच्या उमेश गंगणे याने उत्कृष्ट पोझिंगसाठी ‘बेस्ट पोझर’चा किताब आपल्या नावावर केला.

गोकाक येथील वाल्मिकी मैदानावर पार पडलेल्या या जिल्हास्तरीय स्पर्धेत सुमारे ८० शरीरसौष्ठवपटूंनी सहभाग नोंदवला होता. स्पर्धकांनी सादर केलेल्या आकर्षक पोझेस आणि फिटनेसने उपस्थित प्रेक्षकांचे लक्ष वेधून घेतले. स्पर्धेचे आयोजन व नियोजन यशस्वीरीत्या पार पडल्याबद्दल आयोजकांचे सर्वत्र कौतुक होत आहे.

The post प्रशांत खन्नूकर ‘सतीश शुगर क्लासिक – चॅम्पियन ऑफ चॅम्पियन्स’चा मानकरी appeared first on News 24 Tass Marathi.

बेळगाव जिल्ह्यातील नामांकित संस्था असलेल्या मराठा युवक संघ, बेळगाव यांच्या कार्यकारी मंडळाची बैठकआज संपन्न झाली. संस्थेचे अध्यक्ष बाळासाहेब काकतकर यांच्या अध्यक्षतेखाली झालेल्या या बैठकीत 60 वी जिल्हास्तरीय शरीरसौष्ठव स्पर्धा ‘बेळगाव श्री’ आयोजित करण्याचा निर्णय सर्वानुमते घेण्यात आला.

ही स्पर्धा 27 जानेवारी 2026 रोजी आयोजित करण्याचे निश्चित झाले असून, ती आयबीबीएफच्या नियमांनुसार विविध सात वजनी गटांमध्ये घेतली जाईल. या स्पर्धेच्या यशस्वी आयोजनासाठी बेळगाव जिल्हा शरीरसौष्ठव संघटना सहकार्य करणार आहे. स्पर्धेचे उद्घाटन बेळगाव जिल्हा शरीरसौष्ठव संघटनेचे अध्यक्ष गंगाधर एम् आणि आंतरराष्ट्रीय पंच अजित सिध्दण्णावर यांच्यासह सर्व सहकाऱ्यांच्या हस्ते करण्याचे ठरविण्यात आले आहे.

या बैठकीला संस्थेचे उपाध्यक्ष मारुती देवगेकर, सेक्रेटरी चंद्रकांत गुंडकल, कार्याध्यक्ष रघुनाथ बांडगी, खजिनदार दिनकर घोरपडे, तसेच लक्ष्मण होनगेकर, शेखर हंडे, शिवाजी हंगीरगेकर, मोहन बेळगुंदकर, सुहास किल्लेकर, श्रीकांत देसाई, नेताजी जाधव व इतर सभासद उपस्थित होते. बेळगाव जिल्ह्यातील नामांकित संस्था असलेल्या मराठा युवक संघ, बेळगाव यांच्या कार्यकारी मंडळाची बैठकआज संपन्न झाली. संस्थेचे अध्यक्ष बाळासाहेब काकतकर यांच्या अध्यक्षतेखाली झालेल्या या बैठकीत 60 वी जिल्हास्तरीय शरीरसौष्ठव स्पर्धा ‘बेळगाव श्री’ आयोजित करण्याचा निर्णय सर्वानुमते घेण्यात आला.

ही स्पर्धा 27 जानेवारी 2026 रोजी आयोजित करण्याचे निश्चित झाले असून, ती आयबीबीएफच्या नियमांनुसार विविध सात वजनी गटांमध्ये घेतली जाईल. या स्पर्धेच्या यशस्वी आयोजनासाठी बेळगाव जिल्हा शरीरसौष्ठव संघटना सहकार्य करणार आहे. स्पर्धेचे उद्घाटन बेळगाव जिल्हा शरीरसौष्ठव संघटनेचे अध्यक्ष गंगाधर एम् आणि आंतरराष्ट्रीय पंच अजित सिध्दण्णावर यांच्यासह सर्व सहकाऱ्यांच्या हस्ते करण्याचे ठरविण्यात आले आहे.

या बैठकीला संस्थेचे उपाध्यक्ष मारुती देवगेकर, सेक्रेटरी चंद्रकांत गुंडकल, कार्याध्यक्ष रघुनाथ बांडगी, खजिनदार दिनकर घोरपडे, तसेच लक्ष्मण होनगेकर, शेखर हंडे, शिवाजी हंगीरगेकर, मोहन बेळगुंदकर, सुहास किल्लेकर, श्रीकांत देसाई, नेताजी जाधव व इतर सभासद उपस्थित होते.

The post मराठा युवक संघातर्फे ‘बेळगाव श्री’ शरीरसौष्ठव स्पर्धा appeared first on News 24 Tass Marathi.

बेळगाव : हुबळी येथे धारवाड जिल्हा शरीरसौष्ठव संघटना व कर्नाटक राज्य शरीरसौष्ठव संघटना पंचमुखी हनुमान समिती यांच्या संयुक्त विद्यमाने आयोजित राज्यस्तरीय मि.कर्नाटक बजरंगी शरीरसौष्ठव स्पर्धेत दावणगेरीच्या राहुल मेहरवाडेने आपल्या पिळदार शरीराच्या जोरावर मि. कर्नाटक बजरंगी हा किताब पटकाविला. बेळगावच्या रोनक गवसला उपविजेत्यापदावर समाधान मानावे लागले. तर बेळगावचा उमेश गंगणे उत्कृष्ट पोझर ठरला. हुबळी येथील बजरंगी मैदानावर आयोजित राज्यस्तरीय शरीरसौष्ठव स्पर्धेत राज्यातील जवळपास ११० स्पर्धकांनी भाग घेतला होता.

The post मि. कर्नाटक बजरंगी शरीरसौष्ठव स्पर्धेत राहुल मेहरवाडे विजेता appeared first on News 24 Tass Marathi.

आंतरराष्ट्रीय स्तरावरील प्रतिष्ठेच्या मिस्टर युनिव्हर्स २०२५ स्पर्धेसाठी बेळगावच्या विनोद पुंडलिक मेत्री यांची निवड झाली असून, शहरासाठी हा एक मानाचा क्षण ठरला आहे. जर्मनी येथे होणाऱ्या या जागतिक स्पर्धेत बेळगावचा एक तरुण सहभागी होत असल्याने शहरभरातून अभिनंदनाच्या शुभेच्छांचा वर्षाव होत आहे.

विनोद मेत्री यांचा जन्म अनगोळ येथील पुंडलिक मेत्री यांच्या घरी झाला. त्यांच्या वडिलांनी मुलाच्या प्रत्येक निर्णयाला उत्साहाने पाठिंबा दिला. विनोदच्या यशामागे त्यांचे प्रोत्साहन आणि कुटुंबीयांचे योगदान महत्त्वपूर्ण असल्याचे नातेवाईक सांगतात.विनोदने प्राथमिक व माध्यमिक शिक्षण अनगोळ येथील संत मीरा इंग्लिश मीडियम स्कूलमध्ये पूर्ण केले. पुढील शिक्षणासाठी त्यांनी आरपीडी कॉलेजची निवड केली आणि तिथे ते “आरपीडी श्री” हा मानाचा किताब पटकावण्यात यशस्वी झाले. तसेच महाविद्यालयीन स्तरावर युनिव्हर्सिटी ब्लू म्हणून उल्लेखनीय कामगिरी करत सुवर्णपदक मिळवले. शरीरसौष्ठव खेळात प्रवेश केल्यानंतर विनोदने प्रशिक्षक राजेश लोहार यांच्या मार्गदर्शनाखाली सातत्यपूर्ण मेहनत घेतली. स्थानिक ते राज्यस्तरापर्यंत अनेक स्पर्धांमध्ये त्यांनी उत्कृष्ट कामगिरी केली. त्यांच्या या यशामुळेच स्पोर्ट्स कोट्यातून त्यांची भारतीय लष्करासाठी निवड झाली.

भारतीय सैन्यात भरती झाल्यानंतर विनोद मेत्री यांनी बेळगाव येथील मराठा लाईट इन्फंट्रीमध्ये हवालदार पदावर जबाबदारी स्वीकारली आहे. सैन्य सेवेसोबतच शरीरसौष्ठव क्षेत्रातील आवड कायम ठेवत त्यांनी मिस्टर युनिव्हर्ससारख्या प्रतिष्ठित स्पर्धेत प्रवेश मिळवला.विनोदच्या यशस्वी प्रवासात बेळगाव डिस्ट्रिक्ट बॉडी बिल्डर्स असोसिएशन अ‍ॅण्ड स्पोर्ट्सचे पदाधिकारी, तसेच SSS फाउंडेशनचे संजय सुंठकर, मिहिर पोतदार आणि महेश सातपुते यांचे मार्गदर्शनही अत्यंत मोलाचे ठरले आहे. जागतिक पटलावर बेळगावचे प्रतिनिधित्व करण्याची संधी मिळाल्याने स्थानिक नागरिक, क्रीडाप्रेमी आणि प्रशिक्षक वर्गाकडून विनोद मेत्री यांना शुभेच्छांचा वर्षाव होत असून, मिस्टर युनिव्हर्स 2025 मध्ये ते उज्ज्वल यश मिळवतील, अशी अपेक्षा व्यक्त केली जात आहे.

The post विनोद मेत्रीची ‘मिस्टर युनिवर्स – २०२५’ स्पर्धेसाठी साठी निवड appeared first on News 24 Tass Marathi.