- नदीकाठच्या भागात पुराचा धोका
- चिक्कोडी – निपाणी तालुक्यातील सात पूल पाण्याखाली
चिक्कोडी / वार्ताहर
महाराष्ट्रातील पश्चिम घाट तसेच चिक्कोडी आणि निपाणी तालुक्यात सततच्या पावसामुळे कृष्णा आणि तिच्या उपनद्यांची पाणी पातळी वाढत आहे. परिणामी, तालुक्याच्या सखल भागातील तीन पूल पाण्याखाली गेले आहेत.
सांगली आणि कोल्हापूरसह महाराष्ट्रातील विविध भागात तसेच चिक्कोडी आणि निपाणी तालुक्यात गेल्या आठ दिवसांपासून सुरू असलेल्या सततच्या पावसामुळे कृष्णा, वेदगंगा आणि दूधगंगा नद्यांच्या पाणी पातळीत लक्षणीय वाढ होत आहे. त्यामुळे चिक्कोडी तालुक्यातील कृष्णा नदीवर बांधण्यात आलेल्या येडूर – कल्लोळ, मांजरी – सौंदत्ती आणि मलिकवाड-दत्तवाड पुलांवर पूर आला आहे.
चिक्कोडी आणि निपाणी तालुक्यातील एकूण ७ पूल पाण्याखाली गेले आहेत. नदीकाठच्या पाण्याची पातळी वाढत आहे. महाराष्ट्रातील राजापूर बॅरेजमधून २२,२५० क्युसेक आणि दूधगंगा नदीतून १०,९१० क्युसेक पाणी वाहत आहे. कल्लोळ बॅरेजमधून एकूण ३३,१६० क्युसेक पाणी येत आहे. नदीकाठच्या परिसरात पुन्हा एकदा पुराचा धोका निर्माण झाला आहे.
