तामिळनाडू : रामनवमीदिनी दिनांक ६ एप्रिल रोजी देशातील पहिल्या व्हर्टिकल लिफ्ट समुद्र पुलाचे उद्घाटन केले जाणार आहे. तामिळनाडूच्या पंबन येथे हा व्हर्टिकल लिफ्ट समुद्र पूल उभारण्यात आला असून पंतप्रधान नरेंद्र मोदी यांच्या हस्ते या पुलाचे उदघाटन केले जाणार आहे. व्हर्टिकल लिफ्ट समुद्र पूल पंबन आणि रामेश्वरम यांना जोडणारा पूल आहे. उद्या रविवारी दुपारी १२ वाजता पंतप्रधान नरेंद्र मोदी पुलावरून रेल्वे आणि जहाज वाहतुकीला हिरवा कंदील दाखवतील. यानंतर दुपारी १२.४५ वाजता पंतप्रधान रामेश्वरम येथील रामनाथस्वामी मंदिरात जाऊन प्रार्थना करतील.
दुपारी दीड वाजता ते ८५०० कोटी रुपयांपेक्षा अधिक किमतीच्या विविध रेल्वे आणि रस्ते प्रकल्पांचे भूमिपूजन करतील यानंतर ते जनतेला संबोधित करतील. तांबरम (चेन्नई) ते रामेश्वरम दरम्यान नव्या रेल्वे सेवेचा मोदी शुभारंभ करतील. रामेश्वरमजवळील धनुष्कोडी येथून सुरू झाले होते. त्यामुळे या पुलाचे सांस्कृतिक महत्त्वही विशेष आहे.
रामेश्वरम मुख्य भूमीशी जोडणारा हा पूल भारतीय अभियांत्रिकीचा जगभरात लौकिक वाढवणारा ठरणार आहे. या पुलाची लांबी २.०८ किमी असून, यावर ९९ स्पॅन आणि ७२.५ मीटरचा व्हर्टिकल लिफ्ट स्पॅन आहे, जो १७ मीटर उंचीपर्यंत वर जाऊ शकतो. यामुळे जहाजांना सहज मार्ग मिळेल आणि रेल्वे वाहतूकही अडथळाविना चालू राहील.
