विजयपूर / दिपक शिंत्रे
समाजात अराजकता दहशत निर्माण करणारे आणि कायदा सुव्यवस्था तोडणारे गुंड, गुन्हेगारी प्रवृत्तीच्या लोक यांच्यावर कठोर कारवाई करण्यासाठी बेलगावी पोलिस महासंचालक चेतनसिंग राठोड (आयपीएस) यांनी कडक आदेश दिले आहेत.
इंडी गावातील ग्रामीण पोलिस ठाण्याला भेट दिल्यानंतर त्यांनी 2024-25 या आर्थिक वर्षातील गुन्हेगारी प्रकरणांचे निरीक्षण केले आणि कार्यालयाची तपासणी केली.या भागात अराजकता निर्माण होण्याचे आणि गुन्हेगारी प्रकरणे वाढत असल्याचे सांगितले. त्यावर लक्ष ठेवून गुन्ह्यात सामील असलेल्या व्यक्तींविरुद्ध शिस्तीची कारवाई केली जावी, अशी सूचनाही त्यांनी केली. तसेच छोटे गुंड, जी मंडळी मुलींची छेडछाड करतात, गावात स्तरावर दहशत निर्माण करणारे आणि सार्वजनिक ठिकाणी भीती निर्माण करणाऱ्यांवर कठोर कायदेशीर कारवाई केली पाहिजे, असे त्यांनी सांगितले. त्याचबरोबर, सार्वजनिकांचा सुरक्षेच्या दृष्टीने शहरात रात्री पोलिस बीट व्यवस्था आणि पेट्रोलिंग व्यवस्था लागू करावी, अशी सूचना देऊन ते म्हणाले.
समाजात शांतता, सुरक्षा आणि संरक्षण हे पोलिस विभागाचे कर्तव्य आहे. पोलिसांनी नेहमीच जनतेच्या सेवेसाठी तत्पर असावे. समाजविरोधी कृत्यांचे नियंत्रण, सार्वजनिक मालमत्तेचे संरक्षण आणि समाजाच्या जीवनमानात सुधारणा करणे, हे सर्व समाजाला उत्कृष्ट स्थितीत ठेवण्यासाठी प्रत्येकाने काम केले पाहिजे, असे त्यांनी सांगितले.
याप्रसंगी विजयपूर जिल्हा पोलिस प्रमुख लक्ष्मण निंबरगी, अतिरिक्त पोलिस प्रमुख शंकर मारीहाळ, पोलिस उपअधिक्षक इंडी उपविभाग जगदीश एच. एस. , इंडी ग्रामीण सीपीआय एम.एम. डप्पिन, पीएसआय महेश संख व पोलिस कर्मचारी उपस्थित होते.
