- राज्याच्या विविध भागात उष्म्याची लाट तीव्र
बेळगाव : कर्नाटक राज्यातील विविध भागात उष्म्याची लाट तीव्र होत आहे. उत्तर कर्नाटकातील अनेक जिल्ह्यांमध्ये वाढत्या तापमानाची नोंद झाली आहे. बेळगाव जिल्ह्याचे तापमान ४१.८ अंशापर्यंत पोहोचले आहे. त्यामुळे बेळगाव जिल्ह्यात 2006 नंतर मार्च महिन्यात पहिल्यांदाच अधिक तापमानाची नोंद झाली आहे.
गेल्या काही दिवसात बेळगाव शहरासह जिल्ह्यातील तापमानात मोठी वाढ होत असून सकाळी आठ वाजल्यापासून कडक उन पडत आहे.सकाळी 11 ते सायंकाळी पाच पर्यंत उष्मा तीव्र राहत आहे.त्यामुळे नागरिकांच्या आरोग्यावरही परिणाम होत आहे. गेल्या काही दिवसात उत्तर कर्नाटक सर्वाधिक उष्म्याची नोंद झाली आहे.
