निपाणी : कोल्हापूर जिल्ह्याचे पालकमंत्री आणि महाराष्ट्र राज्याचे आरोग्यमंत्री प्रकाश आनंदराव आबिटकर (रा. भुदरगड) यांनी अक्कोळ येथे सदिच्छा भेट दिली. सद्गुरु पंत महाराज बाळेकुंद्री यांचे वंशज व दत्त संस्थान ट्रस्टी डॉ. संजय अरुण पंतबाळेकुंद्री यांच्या निवासस्थानी जाऊन त्यांनी पंतप्रतिमेचे दर्शन घेतले आणि आशीर्वाद घेतला. याप्रसंगी प्रकाश आबिटकर यांची महाराष्ट्र राज्याचे आरोग्यमंत्री व कोल्हापूर जिल्ह्याचे पालकमंत्री म्हणून नियुक्ती झाल्याबद्दल डॉ. संजय पंतबाळेकुंद्री यांनी त्यांचा शाल व श्रीफळ देऊन सन्मान केला आणि पुढील वाटचालीसाठी शुभेच्छा दिल्या.
महाराष्ट्रातील तसेच भुदरगड तालुक्यातील मंदिर अनुदान, सर्वसामान्यांना सर्वोत्तम आरोग्य सुविधा आणि समाज उपयोगी सेवा यासाठी प्रभावी कार्यशैली असणारा युवा नेता म्हणून प्रकाश आबिटकर यांची ओळख आहे. त्यांचे लहान भाऊ आणि कोल्हापूर डीसीसी बँकेचे संचालक प्रा. अर्जुन आबिटकर यांनीही काही महिन्यांपूर्वी डॉ. संजय पंत यांच्या निवासस्थानी सदिच्छा भेट दिली होती.
अक्कोळ ग्रामपंचायतीमार्फत अध्यक्ष इंद्रजीत सोळांकुरे, वीरेंद्र पाटील, रणजीत सदावर्ते आणि ग्रामपंचायत सदस्यांनी त्यांचे स्वागत व सत्कार केला. या भेटीप्रसंगी योगेश पाटील (बारवे), चंद्रकांत सुतार (गारगोटी), अनंत पवार (लिंगनूर), रामनारायण कुलकर्णी, दिलीप सदावर्ते, आप्पासो चिंचवाडे, रमेश कुलकर्णी, चंद्रकांत पाटील (कौलगे), सागर शिंदे (भुदरगड), अरुण दाभोळे (वाघापूर), श्रीपती सुर्यवंशी यांसह अनेक नागरिक उपस्थित होते
